Te Whakamutu Kai Paipa

'Mauri tū, mauri ora'

He mea tino nui te tautoko i ngā kaimahi, ngā ākonga, me te whānau ki te whakamutu, kia tutuki pai ai ngā whāinga o te kura.

Mā ēnei ratonga nō Aotearoa koe e āwhina, e tautoko hoki.

Kanohi ki te Kanohi

He maha ngā ratonga whakamutu hei whirirwhiri māu.

• Ngā Whare Hauora me ngā Tākuta
  Ka taea e ngā whare hauora me ngā tākuta te tautoko, te āwhina hoki i a koe ki te whakamutu.
• Aukati KaiPaipa
  Ko tā te kaupapa a Aukati KaiPaipa he kōrero kanohi ki te kanohi hei āwhina i te tangata ki te whakamutu.
• Kimihia he Ratonga ā-Rohe
  He maha ngā momo ratonga e wātea ana tae noa ki ngā ratonga mō ngā tāngata nō ngā moutere o Te Moananui a Kiwa me ngā tāngata o Āhia i ētehi o ngā rohe o Aotearoa. Rapua ngā ratonga o tō rohe i te paetukutuku a Cancer Society's Quit Smoking rānei, i te Smokefree Contacts Map rānei.

Waea

• Te Rōpū Me Mutu
  Ko tā te rōpū nei he āwhina ā-waea ki te whakamutu. Ka taea te tono mō ētehi rauemi hei āwhina, te kōrero tahi rānei me tētehi kaitohutohu, ā, te tono hoki mō ētehi kāri whakawhiti hei whakamāmā iho i te utu mō ngā pāti nikotīni (nicotine patches), ngā ngaungau rānei. Waea atu a 0800 778 778.

'Patua te ngārara whakapae huarahi'

Waea Pūkoro

• Txt2Quit
  Rēhita ki a Txt2Quit hei whakawhiwhi karere tautoko ki tō waea pūkoro. Ka taea e ngā karere tautoko te whakahihiko te ngākau i a koe e whakamutu ana.

Ā-Ipurangi

• Smokestop
  He raupapa akoranga ā-ipurangi a Smokestop e toru marama te roa. 10–15 mineti te roa o ia akoranga. I te mutunga iho kua rite koe mō te rā whakamutu, ā, kua whai rautaki pai hoki kia auahi kore tonu koe ā ngā rā e heke mai nei. Ka tautoko a Smokestop i a koe mā te īmēra, te karere ā-waea pūkoro SMS, te kōrerorero ā-ipurangi me te wānanga ā-ipurangi.
• QuitBlog
  Ko te rōpū o te paetukutuku e kīia nei ko Quit Group ngā kaihautū o Quitblog. Ko tā te paetukutuku nei he whai wāhi ki ngā tāngata e ngana ana ki te whakamutu, kia tohatoha i ō rātou wheako. Kāore kau he utu mō te whakauru. Mā kōnei koe e hono ki tāngata kē pērā i a koe.
• Nicorette's Active Stop
  E wātea ana tēnei akoranga ā-ipurangi ki te hunga e whakamahi ana i a Nicorette.